Ram dang mite laka ID card pek chhuah remti lo
by Editor
ZORAM TODAY| 2nd April, 2025(Wed): Vawiin khan Lunglei District Bawrhsap Navneet Mann hovin Lunglei DC Conference Hall-ah India khua leh tuite hnena pek ṭhin nihna tihchianna (identity card) hrang hrang ang chi chu ram dang mi, a bikin ṭhenawm ram Myanmar leh Bangladesh aṭanga chhan hrang hrang avanga lo lutte hnena pek chhuah a nih loh nana hma lak dan tur sawi ho a ni.
He hunah hian DC office-a officer-te bakah, card/certificate hrang hrang - Voter ID Card, Aadhaar Card, Birth Certificate, Ration Card, etc. pe chhuaktu office hrang hrang ai awhte, Lunglei District VC/LC Association leh Lunglei Sub-Headquarters YMA ai awhte an tel a. Bawrhsap Navneet Mann chuan ram dang aṭanga raltlan emaw, dan ang emaw, dan ang lo emawa lo lutte'n India khua leh tuite hnena pek ṭhin ID card hrang hrang neih an tum ṭhin a, chu chuan khua leh tuite chanvo leh hamthatna hmuh tur a tikiamin, a chhuhsak ṭhin tih sawiin, hemi veng tur hian khua leh tui ni lote hnena ID card pek chhuah a nih loh nan fimkhur a ṭul a ni, a ti.
He hunah hian ram dang mite hnena ID card hrang hrang pek chhuah palh venna tura fimkhurna tur leh hma lak dan tur rawtna hrang hrang bakah, harsatna awm ṭhinte tar lan leh sawi ho a ni a. Certificate leh ID card dilna atana finfiahna (proof) leh hriatpuina pek chhuah chungchangah te, certificate/ID card lem hmang an lo awm pawha hmu chhuak vat thei tura endikna kawngah te mahni zawn ṭheuhvah fimkhur leh ṭan lak lehzual ni se, tih a ni a. Ram dang mite'n lirthei, ram, in leh bungraw dang an lei theih nana khua leh tuite zinga mahni hming leh nihna lo hawhtir a awm loh nan mipuite pawh fimkhur lehzual a ṭul thu te, hemi kawngah hian khua leh tui zawng zawngte ṭan ho a ṭul thu te tar lan a ni bawk.
He hunah hian Lunglei District-a raltlan awmte fel taka chhinchhiah a nih thu leh DC office aṭangin temporary ID siamsak ṭhin an nih thu tar lan a ni a. Lunglei DC office-in an chhinchhiah danin, tun dinhmun (April 2025)-ah Lunglei District chhungah Myanmar mi raltlan 1,971 leh Bangladesh mi raltlan 63 an awm mek a ni.
Latest News

April ni 29 ah HSLC result ti...
by News Editor
0
d
24 April 2025

A thawh hnihna atan sawhthing...
by News Editor
0
d
24 April 2025

Sorkar hnathawk NGO hruaitu ni...
by News Editor
0
d
24 April 2025

Exam vanga zirlai rilru hahna...
by News Editor
1
d
23 April 2025

Project Monitoring Commitee in...
by News Editor
1
d
23 April 2025

Mawhphurhna la ngamlo sorkar k...
by News Editor
1
d
23 April 2025

UC pek tlai avangin zirlai 398...
by News Editor
3
d
21 April 2025

CM Duhoma'n Chhura thawnthu tl...
by News Editor
3
d
21 April 2025

ZPM hi an in sawi angin an awm...
by News Editor
3
d
21 April 2025

Hnahthial district atanga MNF...
by News Editor
5
d
19 April 2025

Restaurant leh Hotel ah sap zu...
by News Editor
6
d
18 April 2025

DC hovin fur lo thleng tura in...
by Editor
23
d
01 April 2025

Supreme Court thupek anga Ralt...
by Editor
23
d
01 April 2025

Financial year tawp ni ah GPF...
by News Editor
24
d
31 March 2025

Khawvela hming lam nuam leh la...
by Editor
24
d
31 March 2025

Sports Minister Nghinglova Cha...
by Editor
24
d
31 March 2025

Cyclone Remal tuartute Mizoram...
by News Editor
9
d
15 January 2025

MNF in hnam Pasalthate sun
by News Editor
11
d
13 November 2024

Kan unaunu rawng taka hal hlum...
by News Editor
14
d
10 November 2024

Maite ah voters awareness free...
by News Editor
14
d
10 November 2024